Marakkan parayaruthee...

മറക്കാൻ മാത്രം പറയരുതേ..
മരിക്കാന്‍ പറഞ്ഞാലും മനസ്സേ..മരിക്കാന്‍ പറഞ്ഞാലും....

എന്നിലലിഞ്ഞലിഞ്ഞെന്നെ ഞാനാക്കിയ
എൻ്റെ കിനാവുകളെ നീ.......മറക്കാന്‍ പറയരുതേ...
( മറക്കാന്‍....... )

ചുംബനം കൊണ്ടെൻ്റെ ചിന്തയിലാകവേ...
സൌഗന്ധികം പൂത്ത രാവുകളില്‍..

നിന്നിലെ നിന്നില്‍ അലിഞ്ഞലിഞ്ഞൊന്നായി...
എന്നിലെ സര്‍വവും തന്നതല്ലേ ഞാന്‍ തന്നതല്ലേ.. ?
( മറക്കാന്‍...... )

ini engottu...

കരഞ്ഞു കലങ്ങിയ മോഹങ്ങള്‍..
കരിഞ്ഞു കരിഞ്ഞമരും നേരം...

കറുത്ത രാവിന്‍ കരാള ഹസ്തം..
കഴുത്തറുക്കാന്‍ നില്‍ക്കുന്നു...എന്‍...
കഴുത്തറുക്കാന്‍ നില്‍ക്കുന്നൂ.....

ജീവിതമെന്നൊരു..മഹാ.. ശിബിരം
മനസ്സിനുള്ളില്‍..ഒതുങ്ങുന്നു..

പഞ്ചവികാരം മാത്രം നമ്മില്‍
മാമുനിതന്‍ തപസ്സാടുന്നു...

അറിയില്ലറിയില്ലെങ്ങൊട്ട്....അറിയില്ലെങ്ങൊട്ട്..
ഈ മരുഭൂവില്‍ നീ ഇല്ലാതെ ഞാനിനി എങ്ങോട്ടെങ്ങോട്ട്‌.. ?

അരുതേ..എന്നൊന്നോതീടാന്‍..
അര്‍ഹതയില്ലെന്നറിയാമെന്‍..

അല്‍പം നീരസഭാവം പോലും.
എന്നെന്നേക്കുമകറ്റീടാം

ജീവനെ എന്നുടെ പ്രണയത്തിൻ്റെ
ജീവനെ തന്നെ എടുത്തീടാം.

ഇല്ലില്ലില്ലിനി ഞാന്‍ എൻ്റെ 
മൊഹത്തോടൊരു കഥ പറയാന്‍

ഒരു തരി ചാരം ആയിട്ടെങ്ങിലും
ഒാര്‍മകളായവള്‍ ഉണ്ടെന്നില്‍..........